SONA kasado na

MANILA, Philippines — Hnada na ang Mababang Kapulungan ng Kongreso sa ikatlong State of the Nation (SONA) ni Pangulong Duterte sa Hulyo 23.

Sinabi ni House Majority leader Rodolfo Fariñas, na handa na sila sa lahat ng coordination at nagmarka na rin sila kung hanggang saan lang ang pwesto ng media.

Pagdating naman sa seguridad ay naayos na rin nila, gayundin ang programa at invitation para sa mga bisita.

Bukod dito pinaghahandaan na rin nila ang posibleng paglagda ni Pangulong Duterte sa Bangsamoro Basic Law (BBL) sa mismong SONA.

Iginiit ni Fariñas na posibleng maging historic ang ikatlong SONA ng Pangulo dahil sa posibleng pagpirma niya sa BBL kaya kailangan nila itong paghandaan.