‘Nakialam sa eleksyon kasuhan’ – NAMFREL

MANILA, Philippines — Hinikayat ng National Movement for Free Elections si Interior and Local Government Undersecretary Martin Diño na huwag puro salita at segundahan ng aksyon ang kanyang mga naging pagbubunyag sa pamamagitan ng pagsasampa ng kaso sa mga mambabatas at lokal na opisyal na nakialam o nang-impluwensya sa nagdaang Barangay at Sangguniang Kabatang Elections.

 Ayon kay NAMFREL Secretary General Eric Alvia bagaman maituturing na kahanga-hanga ang ginawa ni Diño, dapat ay agad nitong sampahan ng kaso ang mga inaakusahan niya sa korte.

Naunang ibinunyag ni Diño na may halos 100 kongresista at nasa 1,000 local government officials ang nakialam o nang-impluwensya sa nagdaang halalan.