Digong satisfied sa Marawi rehab

MANILA, Philippines — Kuntento ang Malacañang sa isinasagawang rehabilitasyon sa lungsod ng Marawi.

Ito ang inihayag ng Palasyo bago ang unang anibersaryo ng pagsa­lakay ng grupong Maute-ISIS (Islamic State of Iraq and Syria) sa Marawi City noong isang taon.

Sinabi ni Presidential Spokesman Harry Roque na buo umano ang tiwala ni Pangulong Duterte sa performance ni Task Force Bangon Marawi chairman Eduardo del Rosario.

Ipinagmalaki rin ng Pa­lasyo ang 70 por­syento ng mga residente ng Ma­rawi City na nakabalik na sa lungsod.

Ang naturang datos umano ayon kay Roque ang patunay lamang na maganda ang development ng rehabilitation efforts sa lugar, na sinira ng limang buwang bakbakan sa pagitan ng tropa ng pamahalaan at ng Maute group.

Pero ayon sa kalihim, matatagalan pa umano ang pagsasaayos sa “main battle area” na siyang pi­nakaapektadong bahagi ng siyudad.