First class relics ng 3 Santo Papa ilalagak sa Manila Catheral
MANILA, Philippines — Magkakaroon ng tatlong first class relics ng tatlong Santo Papa ang Manila Cathedral.
Ayon kay Fr. Regie Malicdem, rector ng Manila Cathedral, bukod sa blood relic ni Saint John Paul II, na kasalukuyang bukas sa public veneration ay nasa kustodiya na rin ng kanilang simbahan ang maliit na piraso ng buto mula kay Pope John XIII.
Kasabay ng anunsiyo, inaaasahang magkakaroon din ng relic ang mula kay Pope John Paul VI matapos aprubahan na rin aniya ng Vatican ang kanilang kahilingan. Nakatakda pa lang aniya ang pagsasailalim sa kanonisasyon sa nasabing Papa sa darating na Oktubre.
Hindi pa aniya nahuhukay ang mga labi ni Pope Paul VI, ngunit umaasa aniya silang matatanggap ang relic nito bago matapos ang taong ito.
“His (Paul VI) body is yet to be exhumed but hopefully we’ll receive the relic before the end of the year,” ani Malicdem.
Ang mga naturang relic ay ilalagay aniya, sa altar sa kasagsagan ng Rite of Dedication sa cathedral sa Disyembre, 2018 para sa anibersaryo ng post-war reconstruction ng Manila Cathedral.
Kaugnay nito, pinaalalahanan naman ni Malicdem ang mga mananampalataya na hanggang 8:00 ng gabi na lamang ngayong Linggo, Pentecost Sunday, ang public veneration para sa blood relic ni Saint John Paul II.
Nauna rito, muling binuksan ng Manila Cathedral ang 3-araw na public veneration sa blood relic ng Santo noong Mayo 19 ng alas-6 ng umaga, bunsod sa kahilingan ng libu-libong Katoliko na nabigong masilayan ang reliko noong una itong buksan para sa publiko noong nakaraang buwan.
- Latest
