Botanteng OFW sa 2019 poll: 1.6-M
MANILA, Philippines — Tinatayang nasa mahigit 1.6 milyon ang bilang ng mga Overseas Filipino Workers ang mga botante sa darating na 2019 National Election.
Ito ay ayon sa Department of Foreign Affairs (DFA) Voting Secretariat at nahigitan na nito ang dating 1.3 milyong voters para sa nakaraang Presidential Election.
Base sa overseas voters registration, bago matapos ang registration period sa September 30, 2018, posibleng aabot na sa 1.9 milyong overseas voters para sa darating na 2019 Election.
Nabatid kay DFA Secretary Alan Peter Cayetano, ito ay patunay aniya sa pagsisikap at dedikasyon ng mga kawani ng foreign service na humikayat sa mga OFW na gamitin ang kanilang karapatan sa pagboto.
Malaki ang ginampanang papel ng media, bloggers at overseas voters stakeholders para sa kamalayan ng mga Pinoy sa ibayong-dagat na gamitin ang kanilang karapatan sa pagboto.
- Latest
