Digong dumalo sa opening ng One Mindanao
MANILA, Philippines — Dumalo kahapon si Pangulong Rodrigo Duterte sa pagbubukas ng Organic and Natural Expo (ONE) Mindanao sa Davao City.
Sa pagpasok sa SMX Convention Center, pinatunog ng Pangulo ang “gong” bilang hudyat ng pagbubukas ng event at saka ito naglibot sa mga exhibits.
Kasama ng Pangulo sina Special Assistant to the President Christopher “Bong” Go, Senator Cynthia Villar, Department of Agriculture (DA) Undersecretary Bernadette Romulo-Puyat, at DA Regional Director Ricardo Oñate
Kabilang sa mga ibinida sa ONE Mindanao ang mga organic at natural food products at ingredients kabilang ang mga indigenous fibers at weaves mula sa nasa 200 food producers, processors at entrepreneurs sa buong Mindanao. Nasaksihan sa exhibit ang iba’t-ibang prutas, gulay, local artisan chocolates, single-origin coffee, natural butter at dairy products, at mga marine at fishery products.
Isinulong din ang mayamang kultura ng iba’t-ibang tribo at indigenous peoples mula sa Mindanao sa pamamagitan ng kanilang mga tradisyonal na tela mula sa Zamboanga Peninsula, Northern Mindanao, at Maguindanao.
- Latest
