Boracay isasara ng 2-3 buwan
Ito ayon kay Environment Undersecretary Jonas Leones ay kung itutuloy ng pamahalaan na isailalim sa “state of calamity” ang lugar upang bigyang daan ang rehabilitation work sa lumalalang kundisyon ng katubigan ng Boracay.
MANILA, Philippines — Nanganganib na ipasara ng Department of Environment and Natural Resources (DENR) ang Boracay Island para sa mga turista at bakasyunista ng may dalawa hanggang tatlong buwan.
Ito ayon kay Environment Undersecretary Jonas Leones ay kung itutuloy ng pamahalaan na isailalim sa “state of calamity” ang lugar upang bigyang daan ang rehabilitation work sa lumalalang kundisyon ng katubigan ng Boracay.
Sinabi ni Leones na gagayahin ng DENR ang Phuket, Thailand na naipasara sa turismo ang lugar ng isang taon upang maibaik sa dating ganda ang nasirang kalikasan at kapaligiran.
Anya, ito lamang ang tanging paraan para maibalik sa dating sigla ang isla ng Boracay.
“Talagang nagsusulputan na parang mushrooms ang mga buildings diyan. Nagpapatong-patong na. Hindi na natitingnan kung saan ‘yung kanilang discharge point... Kinakailangang hukayin at makita kung saan talaga dumadaan ‘yung kanilang mga wastewater,” dagdag ni Leones.
Binigyang diin ni Leones na ang lahat ng istraktura sa Boracay ay hindi pinapayagan sa may 400 hectares ng wetlands ng isla.
“Yung 400 hectares nu’n ang forest land o wetland. Ang nangyari niyan, du’n sa mga forest land, naging corrosion sila. Ang mga wetland, na-reclaim na nila. ‘Yun ang tinututukan natin ngayon. Bumaha. Barado na, at saka ‘yung dadaanan ng tubig, ‘yung pinaka-pond, na-reclaim na kaya hindi na makadaan dun,” dagdag ni Leones.
Magpapalabas ang DENR ng show cause order sa mga establisimyento sa Boracay upang makapagpakita ang mga ito ng katunayan na sila ay may permit na mag-operate sa isla.
Related video:
- Latest
