MANILA, Philippines – Tatlong araw bago ang simula ng kampanya, umatras na rin sa presidential race si OFW Family Club party-list Rep. Roy Señeres.
Inihayag ni Señeres ang pagbawi sa kanyang kandidatura sa press briefing sa Commission on Elections (Comelec) sa Manila.
Ang kanyang pag-atras ay alinsunod na rin sa payo ng kanyang doktor na iwasan ang anumang “stress” para na rin sa kanyang kalusugan.
Ang pag-atras ni Señeres ay nagresulta sa pagbaba ng bilang ng maglalaban sa pagkapangulo kasabay ng pagsisimula ng pag-iimprenta ng balota sa Lunes.
Kabilang sa maglalaban ay sina Vice President Jejomar Binay, Davao City Mayor Rodrigo Duterte, Sen. Miriam Defensor-Santiago, Sen. Grace Poe at dating Interior Sec. Mar Roxas.