PNP iimbestigahan ang umanoy paglalasing ng SAF at militar sa Mamasapano
Rosalinda L. Orosa (Pilipino Star Ngayon) - March 24, 2015 - 11:55am

MANILA, Philippines – Handang imbestigahan ng Philippine National Police (PNP) ang umano'y paglalasing ng mga tauhan ng Special Action Force (SAF) at ilang sundalo sa bisperas ng operasyon sa Mamasapano, Maguindano nitong Enero.

Sinabi ni PNP spokesperson Chief Superintendent Generoso Cerbo sa kanyang panayam sa dzMM na handa silang imbestigahan ang isyu na isiniwalat ni Senador Antonio Trillanes IV.

"Handa kaming magpaimbestiga para malinawan itong isyu na ito," wika ni Cerbo.

Ngunit sinabi ng tagapagsalita na kailangan muna nila makakuha ng go signal sa taas upang masimulan ang imbestigasyon.

"Meron naman kaming mga grupo dito sa PNP.... na pwedeng magsagawa ng ganitong pag-iimbestiga pero marahil naghihintay din lang ng mga proper guidance mula sa nakakataas," dagdag niya.

Sinabi ni Trillanes na isang PNP intelligence officer ang nagpainom sa mga SAF at militar bago tugisin ang Malaysian terrorist na si Zulkifli Bin Hir, alyas Marwan at Basit Usman.
 

BASIT USMAN CERBO CHIEF SUPERINTENDENT GENEROSO CERBO ENERO HANDA HANDANG PHILIPPINE NATIONAL POLICE SENADOR ANTONIO TRILLANES SINABI SPECIAL ACTION FORCE ZULKIFLI BIN HIR
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with