Gatas at kape sa mukha

Wonder beans kung ituring ang kape dahil sa rami ng benepisyo na maaari nating makuha rito. Bukod sa common na hot coffee, hindi mawawala ang mga bagong recipe nito tulad ng coffee cake, iced coffee, smoothie, at kung anu-ano pang ginamit ng kape.

Malamang na kokonti lamang ang nakaalam pero maari rin itong ilagay ng direkta sa mukha ang kape para mas bumata at kuminis ang ating kutis?

Dalawang sangkap lang ang kailangan, kape at gatas. Una sa lahat ay dapat siguraduhing purong giniling na coffee beans ang gagamitin at low-fat milk. Pagsamahin lang ang mga ito hanggang sa makabuo ng malapot na mixture kaya dapat ay alalay lang sa paggamit ng gatas. Ilagay sa mukha (iwasan ang area na malapit sa mata) at iba­bad sa loob ng 15 hanggang 20 minuto. Pagkatapos ay banlawan sa maligamgam na tubig.

Bukod sa siguradong kikinis at babata ang hitsura, nakapagpapaganda rin ito ng sirkulasyon ng dugo.

Isa pang recipe na maaaring ilagay sa mukha ay ang kape at honey. Puwede rin itong ilagay sa hita o sa iba pang area na mayroong cellulite.