John Lloyd, nag-umpisa na sa sitcom!

Naglalakad lang si John Lloyd Cruz mula sa kanyang lugar sa El Nido, Palawan hanggang sa pupuntahan niyang lugar doon.

Nakabili si Lloydie ng property sa El Nido dahil sa pagmamahal niya sa nature. Dito siya tumira nang ilang taon mula nang talikuran ang showbiz.

Pero ready, willing and able na siyang magtrabaho, huh!

Sa totoo lang, nagsimula na siyang mag-taping para sa sitcom niya sa GMA 7 ayon sa reports.

Mula sa first reported title na Happy Together, pinalitan ito ng Happy To Get Her mula sa direksyon ni Edgar Mortiz.

Ilan sa makakasama ni JLC sa sitcom ay sina Carmi Martin, Miles Ocampo at Jayson Gainza.

FB ni Cassy, na-hack!

TULOY pa rin ang pambibiktima ng hackers ng social media accounts at ang latest victim ay ang Kapuso star na si Cassy Legaspi.

Na-hack ang official Facebook account ni Cassy.

Agad siyang nagbabala sa kanyang followers na hindi siya ang nagme-message sa kanila.

Ayon kay Cassy, ni-report na ito ng kanyang managers. Nasa lock-in taping ngayon si Cassy ng Kapuso series na First Lady na sequel ng First Yaya starring Sanya Lopez.