Ellen at Derek, sa social media na nakatira!
Natawa naman kami sa isang nabasa naming komento na sa Instagram na raw nakatira sina Ellen Adarna at Derek Ramsay. Halos lahat nga naman kasi ng kilos nila ay naka-post sa IG at and what’s more amusing, dito na rin sila nag-uusap.
Tulad na lamang ng recent post ni Ellen na mga larawan niya sa beach kung saan ay makikitang umaawra-awra siya with different poses.
“This is what you look like pala when you are waiting for me to come home,” komento ni Derek.
Sinagot naman ito ni Ellen na super hintay daw siya kay Derek na matapos ang golf nito at nangarag na raw siya sa tagal ng paghihintay niya.“This was me waiting for u to finish golf but u took so long so ngarag version na naabutan mo,” sagot ni Ellen. “I like you ngarag then,” sagot na naman ni Derek.
May isang netizen na nag-comment na baka raw pag-awayan pa ng dalawa ang paggo-golf ni Derek.
“Lam mo Baka golf pag awayan nyo @maria.elena.adarna pag naglaro ka nyan Haba oras naranasan ko kayang mag intay boring,” sey ng netizen.
Pero dumepensa si Ellen at sinabing hindi naman daw siya ganu’n kababaw. “Relax lang girl di naman ako shallow and ultimate me time and awra time ko when hes playing golf. So win win situation naman. Walang lugi,” ani Ellen.
Nag-react naman si Derek ng katakut-takot na “face with tears of joy” emojis.
Sharon, inaming opposite sila ni KC
Inamin ni Sharon Cuneta na talagang magkaiba sila ng panganay na anak na si KC Concepcion.
Ito ay matapos mag-comment ang isang netizen na mas close raw si KC sa ama nitong si Gabby Concepcion kaysa sa kanya gayung siya ang nagpalaki at nagpaaral dito.
Sumagot naman si Sharon at aniya, lahat naman daw ng tao ay magkakaiba at inaming she and KC are total opposites. “Thank you so much. Everyone is different. Even if you raise them, it doesn’t necessarily follow that they will be like you. But she is a good kid. We just happen to be total opposites,” pahayag ni Megastar.
- Latest
