Coco, Charo, at Vice, pinarangalan sa 11th NSCART
MANILA, Philippines — Labing-anim na pagkilala ang tinanggap ng mga programa at artista ng ABS-CBN na tumatak at minamahal ng manonood sa 11th Northwest Samar State University Students’ Choice Awards for Radio and Television (NSCART) kamakailan lang.
Nanguna rito ang numero unong programa sa Pilipinas na FPJ’s Ang Probinsyano, na ginawaran ng Best Primetime Teleserye. Panalo rin ang paboritong panoorin sa tanghalian na It’s Showtime, bilang Best Noontime Variety Show.
Wagi rin si Coco Martin bilang Best Actor in a Primetime Teleserye, samantalang pinangalanang Best Noontime Variety Show Host si Vice Ganda.
Ibinoto rin ng mga estudyante ang iba pang Kapamilya programs tulad ng MMK (Maalaala Mo Kaya) (Best Drama Anthology), Pinoy Big Brother (PBB) Otso (Best Reality Show) at ASAP Natin ‘To (Best Variety Show). Kinilala rin nila ang hosts ng mga programang ito na sina Charo Santos-Concio (Best Drama Anthology Host), Alex Gonzaga (Best Reality Show Host), at Billy Crawford (Best Variety Show Host).
Hindi rin nagpahuli ang Gandang Gabi Vice, na inuwi naman ang award na Best Showbiz Oriented Talk Show, habang si Vice Ganda ang napiling Best Showbiz Oriented Talk Show.
Bukod sa kanila, panalo rin ang Umagang Kay Ganda (Best Morning Show) at My Puhunan (Best Business Oriented Program), gayundin sina Dimples Romana ng Swak na Swak (Best Business Oriented Program Host) at Liza Soberano ng Bagani (Best Actress in a Primetime Teleserye).
- Latest
