Julia inasahan ang maraming laplapan kay Tony

Pagkatapos ng Ngayon at Kailanman last year, muling nagbabalik sa paggawa ng serye si Julia Barretto, but this time ay digital series naman which will be streamed on iWant.

Kung sa Ngayon at Kailanman ay si Joshua Garcia ang kapareha niya, this time, sa I Am U ay susubukan naman ang tambalan nila ni Tony Labrusca.

Kuwento ni Julia sa presscon held last Wednesday night, when the project was pitched to her at sinabing si Tony nga ang makakapareha niya, ang naging reaksyon niya agad ay, “oh, daming laplapan?”

Tawanan ang press. Paliwanag pa ng aktres, “hindi ba nanggaling siya ng Glorious? oh, so, maraming ganu’n?”

Matatandaang ang Glorious ay iWant original movie rin kung saan ay leading man siya ni Angel Aquino. Sa pelikulang ito sumikat at pinag-usapan ang aktor and yes, ang dami nilang laplapan and steamy scenes ng kanyang leading lady.

Kaya naman hindi mo masisi si Julia na ito ang naging image sa kanya ni Tony.

“Hindi kasi siyempre, I heard of Tony kasi first du’n sa Glorious, so parang sa akin, bago ko pa siya na-meet, talagang ganu’n na ang path ni Tony – sexy, hot and steamy,” sey pa ni Julia.

And yes, kahit dito sa I Am U ay may mga intimate scenes sila ni Tony. Pero sey naman ng aktor, mas matindi naman ang love scenes niya sa Glorious kaysa rito sa I Am U.

Pero puring-puri naman ni Tony si Julia dahil game na game raw ito at kinabahan daw siya talaga.

“Sobrang kita mo sa mukha ni Julia na she knows exactly what she’s doing, eh, so parang ako nga ‘yung kinakabahan na parang “shuck, mukhang game na game si Julia, parang kailangan ko ipakita na alam ko rin ‘yung ginagawa ko,” sabi ni Tony.

Natawa naman si Julia at sey niya kay Tony, “sira-ulo ka.”

Paliwanag naman ng aktor, “no, as in game na game sa trabaho niya. You know what I mean? She’s there to work. So, parang ako, I’m like, “shucks, hindi ko pwedeng ipakita na kinakabahan ako.” Baka ang dating is hindi ko sineseryoso ang trabaho ko.

“So, ayoko rin namang sabihin sa kanya na ‘uy, kinakabahan ako sa eksena natin.’ Parang ano ‘yun?” ani Tony.

Pero sey ng dalawa ay pareho naman silang nag-enjoy na katrabaho ang isa’t isa.

“It was nice to work with Tony, unang-una, you know, it was so easy to converse with him. So, parang to me, it’s important to be able to converse with your leading man so that you find a certain compatibility with him, that you trust him with ‘yun, ‘yung mga kissing scenes, ‘yung mga scenes na medyo intimate kami sa isa’t isa.

“And na-excite ako because you know, Tony’s already become a universal leading man, so na-excite ako to be paired up with that, because I feel like siguro papunta na rin sana ako sa ganu’n, kasi nakasama ko si Tony,” sey ni Julia.

Sa I Am U ay dual role si Julia bilang Elise and Rose na magkatulad ang itsura ngunit magkasalungat sa kinalakihan. Sa trailer ay medyo creepy nga ang pelikula’t mukhang kakaiba ang kuwento.

Mula sa direksyon ni Dwein Ruedas Baltazar, ang I Am U ay produced ng Dreamscape Entertainment and IdeaFirst Company. Mapapanood na ito simula sa Feb. 26 sa iWant app.