Asawa ni Alfred, effective na endorser

Naku Salve ha, si Gigi na connect natin sa London, addict na rin sa Kamiseta Skin Clinic ni Cris Roque.

Gaya nang sinabi mo Salve, maganda ang interior ng Kamiseta Skin Clinic at mahusay ang facialist ninyo ni Gigi.

Very reasonable ang presyo sa Kamiseta, kahit sosyal ang clinic na may feel at home vibe kaya addictive ito sa mga client like Gigi and Salve.

By word of mouth ang ads ng Kamiseta Skin dahil pinag-uusapan ng lahat ang husay ng service at galing ng kanilang mga clinic. Salamat Cris Roque dahil may favorite skin clinic na sina Gigi at Salve, bongga!!!

Si Yasmine Vargas ang isa sa mga endorser ng Kamiseta Skin Clinic at effective siya na ambassador dahil marami ang nakukumbinsi na pumunta sa establishment na pag-aari ni Cris.

Hindi artista si Yasmine pero considered siya na celebrity dahil sa kanyang mister na si Alfred Vargas.

Alam ko na effective na celebrity endor­ser si Yasmine dahil ni-renew ng Kamiseta Skin Clinic ang kanyang kontrata.

Very responsible at reliable endorser si Yasmine na talagang nagsasadya sa clinic ng Kamiseta sa Ayala The 30th Mall sa Pasig City, itsurang napakalayo ng bahay nila ni Alfred. Kapag hindi OA ang traffic situation, umaabot pa rin ng dalawang oras ang biyahe ni Yasmine mula Fairview hanggang sa Kamiseta Skin Clinic.

Pinas wala sa listahan ng world’s worst city traffic

Sa araw-araw na ginawa ni God, ang traffic sa EDSA ang inirereklamo ng mga Pilipino na dusang-dusa sa mahaba at matagal na biyahe dahil sa dami ng sasakyan.

In fairness, kahit isinusumpa ang traffic sa EDSA, hindi kasama ang bansa natin sa listahan ng Most Congested Cities in the World.

Walang binatbat ang traffic sa EDSA sa nakakalokang trapik sa Recife, Brazil, Mexico City, Bangkok, Thailand, Jakarta, Indonesia, Istanbul, Turkey, Moscow, Russia, New Delhi, India, Lima, Peru, Bogota, Colombia at Mumbai, India.

At least, may dapat pa rin na ipagpasalamat ang mga Pinoy dahil abswelto ang Pilipinas sa listahan ng sampung siyudad sa mundo na grabe ang problema sa trapik.

Mark namayat nang hiwalayan ni Winwyn

Worried ang fans ni Mark Herras dahil malaki ang ipinangayayat nito mula nang mapabalita na hiwalay na sila ni Winwyn Marquez.

Naka-move on na si Mark mula sa break up nila ni Winwyn pero totoo na pumayat ang aktor dahil nagkaroon ito ng sakit.

Inamin naman ni Mark sa mga reporter na bumisita sa set ng Bihag na nagkasakit siya. Masama pa nga ang pakiramdam niya sa taping ng Bihag pero sumipot pa rin si Mark dahil pinairal nito ang pagiging professional.

Ngayong single at loveless na uli si Mark, ang trabaho ang kanyang inaatupag dahil ito ang kanyang therapy para makapag-move on.

Kung nahilig si Winwyn sa Korean boy group na BTS nang maghiwalay sila ni Mark, trabaho naman ang inatupag ng kanyang ex-boyfriend.

Marami pa rin ang hoping na magkakaroon ng Part 2 ang love affair nina Mark at Winwyn pero base sa mga sinasabi nila sa mga interbyu at kung talagang kilala natin sila, mukhang malabo nang mangyari ang reconciliation na inaasam ng kanilang mga tagahanga.