Coco at Angel hinihiritang magsama sa pelikula

Hinihiritan ng pelikula for Metro Manila Film Festival 2019 sina Coco Martin and Angel Locsin.

Kahapon ay may pa hashtag ang followers ng dalawang malaking Kapamilya stars - #CocoAngelMovieForMMFF.

At may storyline na sila ha.

Very positive naman ang reaction ng ibang fans sa nasabing clamor na pagsamahin sila sa isang action / drama movie for Christmas.

Parehong humataw sa rating ang kanilang Ang Probinsyano at The General’s Daughter sa ABS-CBN.

Mga bata mas malakas na ang loob maglantad

Siguradong mas bebenta sa mga streaming provider ang pelikulang Billie & Emma na obra ni Direk Samantha Lee.

Si Direk Samantha ang karelasyon ng ex ni Sam Milby na si Mari Jasmine.

Kuwento ang pelikula ng dalawang high school student sa isang rural area na hindi nahiyang ilantad ang kanilang totoong kasarian.

Galing Manila si Billie nang pumasok siya sa eskuwelahan sa probinsiya matapos ipadala ng mga magulang at doon nakilala si Emma na naging kaklase niya.

Pero bago pa man sila magkaroon ng relasyon, nabuntis ang batang-batang si Emma ng boyfriend niya. At hindi niya ‘yun itinago sa catholic school na pinapasukan nila.

Pero nang mabuntis siya doon na-realize ni Emma na mahal niya pala ang lesbianang si Billie.

Mas bata nilang natanggap sa story ang pagiging member nila ng LGBT kahit kapwa sila pumapasok sa catholic school at naganap sa isang probinsiya.

May ilang nagko-comment sa pelikula na parang true to life ito ni Direk Samantha na last year nilantad ang relasyon sa ex girlfriend ni Sam na may relasyon sila ng lesbian director/writer.