Pia Wurtzbach excited gumawa ng mala-50 Shades Of Gray!
Noong 2018 pa ang huling pelikulang ginawa ni Miss Universe 2015 Pia Wurtzbach na My Perfect You kung saan naka-partner niya si Gerald Anderson. Kaya excited na itong bumalik sa pag-arte sa bagong sisimulan niyang movie. Wala pa raw title ang movie ni Pia pero isang sexy-comedy ito na ipo-produce ng Black Sheep. “I am very excited. I have a lot of fun when I am acting, when I am playing a role, when I have to put Pia aside first and become someone else. That’s always interesting and always fun. So I can’t wait to go back to acting this year.
“I feel pressure but I am excited. I feel like with this role, I will be able to really explore my acting abilities and show more of what I can do,” sey pa ni Pia na mas feel gawin ang mga dark comedy na mala-50 Shades Of Gray.
Noong 2017 ay nakasama si Pia sa Metro Manila Film Festival top-grosser na Gandarrapiddo: The Revenger’s Squad with Vice Ganda at Daniel Padilla.
Mylene Dizon ayaw nang maging choosy sa trabaho
Natuwa naman si Mylene Dizon dahil muli niyang nakatrabaho ang BiGuel loveteam nila Bianca Umali at Miguel Tanfelix. Huli niyang teleserye sa GMA-7 ay ang teleserye na Once Upon A Kiss na bida ang dalawa.
Nagulat si Mylene na nag-mature na ang dalawa at hindi na sila mga teeny-boppers sa pinagbibidahan nilang primetime teleserye na Sahaya.
Hindi naman daw exclusive si Mylene sa ABS-CBN kaya may freedom siyang tumanggap ng trabaho sa rival network na GMA-7. Kapag wala raw siyang work sa Dos, may offer naman daw parati ang GMA-7.“It’s a small world and a very small industry. Everybody needs money for tuition fee. Lalo na ako, dalawa ang anak kong mga teenager na. Habang lumalaki, lumalaki rin ang gastos.
“Kaya I don’t need to be choosy dahil hindi naman ako bagets na bini-build up ng isang network. Working actor ako kaya I welcome offers kahit saan pa ‘yan.
“Tsaka GMA has always been good to me. Marami na akong nagawa na shows with them tulad ng Narito Ang Puso Ko, Princess Charming, Captain Barbell, Dyesebel and Once Upon A Kiss.
“Itong Sahaya, it’s a different role for me at sobrang deglamourized ako. At very grand ang production kasi nag-recreate sila ng malaking Badjao village na tulad sa Tawi-Tawi,” pagtapos pa ni Mylene Dizon.
Julia Roberts, trending ang bagong buhok!
Nag-viral ang bagong hairstyle ni Pretty Woman star Julia Roberts.
Sa pamamagitan ng celebrity hairstylist na si Serge Normant, ginupitan nito ng four inches ang mahabang buhok ni Julia at binigyan ito ng isang chic lob or long bob.
Marami agad ang pumuri sa bagong look ng 51-year old Oscar winner. Kabilang na rito ang style icon na si Sarah Jessica Parker at Heidi Klum.
- Latest
