Alden bumagay sa EX-B!

MANILA, Philippines —  Deserve ng local rap group na Ex-Batallion ang atensyon na nakukuha nila dahil aminin man o hindi ay talagang catchy ang mga kantang ginagawa nila. Ito yung mga tipong hindi mo mamamalayan ay kabisado mo na pala.

Ganito rin ang tatak ng Superhero Mo, ang theme song ng upcoming primetime series ni Alden Richards na Victor Magtanggol. Sa inilabas na lyric video ng kanta, kasama ng Ex-B si Alden sa recording. Hindi pa man napapanood ang kabuuan ng kwento ng bagong serye ni Alden, puring-puri na agad ang theme song dahil nakaka-LSS ito at madaling pakinggan.

Marvin todo emote

Kwela ang naging post of appreciation ni Marvin Agustin para sa kanyang co-stars sa Kambal, Karibal dahil medyo in-character ang pagpuri niya kina Miguel Tanfelix, Bianca Umali, Kyline Alcantara at Pauline Mendoza. Sinabi niyang busy siya sa paghahanap ng iba pang paraan para pahirapan ang mga “anak” niya sa set. Pagbibiro ng Kapuso actor, “Pinag-uusapan lang namin ng mga magulang n’yo kung ano pa pwedeng pagpapahirap na pwede kong gawin sa inyo habang enjoy na enjoy ang mga tao sa mga kabaliwan ko. Pumayag sila Geraldine at Allan, nakakatuwa naman kasi naintindihan nila na may mabuting nadudulot ang kasamaan ko.”