Pagiging empty ni Sarah pinagtatakhan, Matteo to the rescue!
Hinangaan si Matteo Guidicelli ng ilang celebrities sa Instagram foto nila ni Sarah Geronimo na may caption na, “Keep walking. I’ll always be beside you. No matter what I love you, my love and I miss you.”
Laman ng showbiz columns ang nangyari kay Sarah nu’ng nag-breakdown siya habang nasa concert sa Las Vegas, at hindi tinapos ang kantang Forever Is Not Enough. Pero bumalik din siya sa stage para humingi ng paumanhin sa concertgoers. Tumatak sa pahayag ni Sarah ang, “I feel empty.”
Palibhasa hindi sumunod sa Las Vegas, nakisimpatiya si Matteo sa paghatid ng mensahe sa girlfriend through Instagram.
Ilan sa celebs na naglabas ng emoji na puso sa kanilang komento sa post ni Matt ay sina Bianca Gonzales, Erik Santos, Jed Madella, Rhap Salazar, Kaye Abad at Miles Ocampo.
Pabiro naman ang komento ni Nico Bolzico, asawa ni Solenn Heussaff, ”I am a bit jealous now. But #sarahthebeast is more than approved,” komento ni Nico.
Ayon sa isang follower ni Matteo, tila first time ni Matteo na mag-post ng madamdaming mensahe para kay Sarah kaya naman siguradong ikatutuwa ito ng girlfriend.
Palaisipan siyempre sa fans ni Sarah at sa silent followers niya sa sinabing “empty” siya gayung maningning pa rin ang showbiz career niya at may BF na mapagmahal at handang ipaglaban siya.
Citizen Jake pakakawalan na sa mga sinehan
Mapapanood na sa mga sinehan nationwide ang critically-acclaimed movie ni Mike de Leon na Citizen Jake.
Sa post ni direk Mike sa Facebook account ng movie, nakasaad doon na sa darating na May 23 ang nationwide showing ng kanyang directorial comeback.
“This is it folks. Thank you for all your support. Thank you all for your patience! – Mike de Leon.”
Ilang beses nang nagkaroon ng private screenings ang movie na pinagbidahan ng broadcast journalist na si Atom Araullo.
Binigyan ng rating na R-13 without cuts ng MTRCB ang matapang na pelikula ni de Leon.
Take note na hindi gumamit ng makinarya ang producer para sa publicity and promotions ng pelikula, huh! Tanging word of mouth publicity ang umiral dito galing sa mga nakapanood nito.
- Latest
