Heart at Rocco mas lalo pang magkakalapit
MANILA, Philippines - Sa pagpapatuloy ng kuwento ng Beautiful Strangers, makikilala ni Joyce ang beking taong grasa na si Shakira (Nar Cabico) at magiging magkaibigan ang dalawa. Bukod kay Shakira ay magkukrus din ang landas nina Joyce at Kristine (Heart Evangelista).
Maaawa si Kristine sa kalagayan ni Joyce. Magiging tambayan nina Joyce at Shakira ang ospital kung saan nagtatrabaho si Kristine. Madalas na bigyan ni Kristine ng pagkain ang taong grasa.
Samantala, magkakaproblema si Kristine sa lovelife niya. Magkikita ulit sila ni Noel na tutulong naman ngayon sa kanya.
Magiging magkaibigan din sila at kakaibiganin din ni Kristine si Joyce.
Pupuntahan ni Noel si Kristine sa ospital at sa labas nito ay naroon si Joyce.
Lalo pang magkakalapit sina Kristine at Noel (Rocco Nacino). Tuturuan pa ni Noel si Kristine na magmaneho. Makikilala nina Lourdes (Ayen Munji-Laurel) at Leslie (Mariel Pamintuan) si Noel. Unti-unti ay mahuhulog ang loob ni Noel kay Kristine. Makikita sila nina Imelda (Lovely Rivero) at Jason (Renz Valerio).
Hindi matatanggap ni Jason na ipinagpalit na ni Noel si Joyce sa ibang babae. May babalaking masama si Jason kasama ng mga kaibigan niya at si Kristine ang puntirya nila.
May magliligtas kay Kristine at ito’y walang iba kundi si Joyce (Lovi Poe). Siya ang malalagay sa panganib. Dadalhin siya sa ospital para gamutin. Magkakaroon ng malaking utang na loob si Kristine kay Joyce.
Mapagdedesisyunan ni Kristine na tulungan si Joyce na gumaling.
Ano na kaya ang mararamdaman ni Noel. Abangan ang Beautiful Strangers gabi-gabi sa primetime ng GMA 7.
- Latest
