Julian ipinauubaya na si Sofia kay Iñigo

Natawa na lamang si Julian Estrada nang ta­nungin ng ilang kausap na showbiz press kung bakit siya umamin noong presscon ng Relaks, It’s Just Pag-ibig, na naging mag-on sila ni Julia Barretto for six months.

Napilitan daw siya dahil sa tanong sa kanya noong open forum ng mga press na ka-close pa naman ­niya dahil sa amang si Senator Jinggoy Estrada, at ayaw niyang mag-lie. Pero okey na raw lahat ngayon, at mamayang gabi, premiere night na nila sa Cinema 7 ng SM Megamall. In-assure raw siya ng Lolo Erap (former President and now Mayor of Manila) na a-attend at pina-block-off na ang schedule nito. Sure ding darating ang Lola Loi Ejercito niya, Mommy Precy at mga kapatid niya. Bukas naman, November 12, ang opening day ng movie produced by Spring Films to be released ng Star Cinema in cinemas nationwide.

Wala pa raw siyang nakikitang ibang girl, at kahit biniro siya sa lead star nila sa movie na si Sofia Andres, na nakilala na rin ng daddy niya minsang isinama niya itong dumalaw sa Camp Crame, sagot niya, alam niya na, Sofia and Iñigo (Pascual) are dating na. But they are good friends at ipinagtanggol pa niya si Ericka Villongco sa mga basher nito na mabait at very professional daw ang young actress. Kapag may mall show, lagi silang sama-sama at nagja-jamming muna sila bago mag-perform.

Tinanong namin si Julian kung hindi siya pinigilang mag-artista ng daddy niya. Hindi raw naman. Siguro raw dahil noong bata pa siya at kasa-kasama ng ama na dumadalaw sa Tanay sa kanyang lolo, nakikitaan na siyang gusto talang mag-artista, kumakaway din daw ito kapag kinakawayan ang kanyang sikat na amang si Sen. Jinggoy. Gusto raw niya na paglaki niya, maging kasing sikat din siya ng ama. Ngayong nag-artista na siya, hindi raw niya kinalilimutan ang advice ng ama na pagbutihan niya na, “Hindi porke may pangalan ka, sikat ka na. Kailangan marunong ka ring umarte.” Pressured daw siya na dala niya ang apelyido ng lolo at daddy niya kaya pinagbutihan daw niya ang acting, lalo na iyong mga confrontation scenes nila ni Iñigo sa movie. Hindi pa raw niya napanood ang buong movie, maliban ang eksena sa dubbing.

After graduation from OB Montessori sa March, itutuloy ni Julian ang studies niya sa Enderun at kukuha siya ng Business Management. This Christmas, ang wish and prayers niya, makalabas na ang daddy niya para ­sama-sama silang buong pamilya.

Pagkahilig gumala sa ibang bansa nina Dingdong at Marian theme ng kanilang pre-nup shoot?!

Kababalik lamang nina Dingdong Dantes at Marian Rivera from their very successful Kapusong Pinoy Show sa Dubai with Julie Ann San Jose, pero may schedule na sila ulit na biyahe. If we’re not mistaken, this time, bonding nila ito with the Triple A family ni Marian na hinanapan nila ng schedule at continuation ng kanilang pre-nuptial shoot. Sa palagay namin, dahil mahilig mag-travel ang tinaguriang Royal Couple, ito ang magiging concept ng kanilang pre-nuptial pictorial at isasama ang mga travel nila noon like sa Spain, Japan, Cambodia, at kahit ang mga travel nila sa ibang lugar ng bansa.

Pero magti-taping muna si Marian ng episodes pa ng dance show niyang Marian at si Dingdong sa dubbing ng kanyang Metro Manila Film Festival (MMFF) entry na Kubot: The Aswang Chronicles 2 sa December.