1. Unahin mo muna ang iyong asawa at mga anak sa lahat ng bagay bago ang iyong ama, ina at mga kapatid dahil sila na ang iyong kasalukuyang pamilya at kakasamahin habambuhay.
2. Huwag mong abusuhin ang iyong katawan sa alak, drugs, sobrang pagkain, sigarilyo upang makasama mo pa ng matagal ang iyong asawa at mga anak.
3. Huwag mong hayaang agawin ng career ang mahahalagang oras para sa iyong asawa at mga anak.
4. Sikaping maging attractive sa asawa sa tuwina, anuman ang iyong sitwasyon : sa bahay ka lang o nag-oopisina.
5. Kung ikaw lang ang nagtatrabaho, huwag mong itrato siya na parang pulubi na kailangan pang mamalimos sa iyo. I-share mo sa kanya ang lahat ng meron ka at huwag pagtataguan ng pera. O, kung parehong nagtatrabaho, huwag magkanya-kanya sa pera.
6. Mag-I Love You at mag-goodbye kiss araw-araw.
7. Irespeto ang privacy ng asawa mo. May mga bagay na hindi dapat pakialaman kagaya ng mga nilalaman sa cellphone at account sa social media.
8. Bigyang importansiya ang sexual needs niya.
9. Maging kuntento sa anong mayroon kayo. Huwag mangutang. Kung walang hawak na pera huwag gumasta.
10. Kung hindi mo kayang maging mabait, at least, iwasang mag-asal-tambay o palengkera. Kumilos sa tuwina nang may dignidad.