Pinakamahal na parking space sa Hong Kong, naibenta nang tumataginting na $1.3m!

BAGONG world record ang naitala sa Hong Kong kamakailan nang  maipagbenta roon ang isang kapirasong parking space sa halagang $1.3 million (katumbas ng P61 milyon).

Ang parking space ay bahagi ng Mount Nicholson luxury residential project. Sa sobrang mahal nito ay pumapatak na $9,500 kada square foot ang presyo ng  135 square foot na parking.

Nahigitan nito ang dating world record para sa pinakamahal na parking lot na nasa Hong Kong din.

Noong 2019 ay naibenta sa presyong $969,000 ang par-king lot na nasa Hong Kong Tower.

Hindi na kinilala kung sino ang nakabili ng pinakamahal na parking lot sa mundo.