Gorilla at mga leon sa prague zoo, nahawahan ng COVID-19
SARADO ang isang zoo sa Prague, Czech Republic matapos magpositibo sa COVID-19 ang dalawang leon at isang gorilla roon.
Mild naman ang sintomas na ipinakita ng mga hayop.
May sipon at ubo ang mga leon na sina Jamvan at Suchi samantalang kawalan ng gana sa pagkain naman ang sintomas ng lalaking gorilla na si Richard.
Sinasabing ang mga staff ang nakahawa sa mga leon at gorilla kaya isasailalim sa COVID-19 testing ang ibang hayop sa zoo.
Nakararanas ng surge o biglang paglobo ng COVID-19 cases ang Czech Republic, kung saan naitatala ang isa sa pinakamataas na infection rate ngayon sa buong mundo.
- Latest