LIMAMPU’T-APAT na beses binanggit ang salitang impiyerno sa Bibliya. Ngunit sa halip na gamitin ang mismong “impiyerno” ibang salita ang kanilang ginamit.
Sa Old Testament, binanggit ang impiyerno ng 31 beses pero ginamit ang salitang Hebrew na “Sheol” na ibig sabihin ay libingan.
Sa New Testament, binanggit ang impiyerno nang maraming beses:
10 beses pero sa salitang Greek na “Hades” (libingan).
12 beses sa salitang Greek na “Gehenna” (lugar na maapoy o sunugan).
1 beses sa salitang Grees na “Tartarus” (madilim na lugar).
Sa 54 beses na pagbanggit ng impiyerno sa scripture gamit ang Greek at Hebrew language, 12 lang beses binanggit na ang impiyerno ay lugar na maapoy. Pero mas maraming beses na pinatungkulan ang impiyerno bilang libingan.
Ayon kay Pope John Paul II ang impiyerno ay hindi isang “lugar” kundi “kalagayan” ng kaluluwang nagdurusa dahil hindi siya naniwala sa Panginoong Diyos. O, sabihin nating “pagdurusa ng konsensiya” dahil itinakwil niya ang Panginoon.
Sa survey na ginawa ng US News and World Report magazine noong January 21, 2000: 64 percent ng mga Amerikano ay naniniwala na may impiyerno; 34 percent ang nagsabing ito’y lugar kung saan sinusunog ang kaluluwa at 53 percent ang naniwala sa paliwanag ni Pope John Paul II.
“What is hell? I maintain that it is the suffering of being unable to love.” — Fyodor Dostoyevsky, The Brothers Karamazov