797 Christmas Tree, sabay-sabay na pinailawan sa Washington
HINDI lamang ang holidays ang ipagdiriwang ng isang bayan sa Washington matapos makapagtala ng bagong world record para sa pinakamaraming Christmas tree na pinailawan nang sabay-sabay.
Ang Mason County Chamber of Commerce ang nanguna sa pagpapailaw ng mga Christmas tree sa Sheldon, Washington upang ipagdiwang ang pagiging holiday destination ng nasabing bayan.
Sapat na ang bilang ng punong kanilang pinailawan upang mahigitan ang world record na naitala ng Hallmark Channel nang 559 puno ang kanilang pinailawan.
Nahigitan din ng mga taga-Sheldon ang world record attempt na isinagawa ng mga taga-Michigan ngayong buwan na ito. Nasa 610 na mga puno ang kanilang napailawan kaya nakuha ang titulo.
- Latest