“HINDI talaga ako makapaniwala sa ibinigay sa aking assignment – si Sir Alexis ang iinterbyuhin ko,” sabi ni Marikit.
“Hindi mo ba sinabi na kilala mo si Alexis?”
“Hindi Lolo.’’
“E di wala kang problema ngayon dahil madali mong makakausap si Sir Alexis.’’
“Oo. Sasama ako sa inyo sa pag-uwi sa Isla Paraiso para isagawa ang interbyu. Series ng buhay ni Sir Alexis ang gagawin ko.’’
“Talaga, sasama ka sa amin sa pag-uwi sa Isla Paraiso?’’
“Oo, Benhur. Excited na nga ako. Imagine, apat na taon ako bago nakauwi sa atin.’’
“Maninibago ka sa makikita sa Isla. Malaki ang pagbabago, Marikit.’’
“Talaga? Wow, uwing-uwi na ako!’’
“Mga gaano ka katagal sa Isla?’’ tanong ni Benhur.
“Mga isang linggo. Kaila-ngang matapos ko ang interbyu kay Sir Alexis sa loob ng five days at isa-submit ko bago mag-deadline.’’
“Kayang-kaya mo yun, Marikit. Kabisado mo na ang mga nangyari kay Sir Alexis kaya palagay ko, hindi ka mahihirapan. Ang maganda pa, relaks ka habang iniintebryu si Sir Alexis.’’
“Oo nga Benhur.’’
“Pagbalik mo sa Maynila, ihahatid kita. Mahirap mag-isa sa biyahe.’’
Tiningnang mabuti ni Marikit si Benhur.
“Napakamaalalahanin mo Benhur, sana hindi ka magbago kahit kailan.’’
“Hindi ako magbabago, promise.” (Itutuloy)