‘Pekendos na arkitekto, bistado!’
BITAG - Ben Tulfo (Pang-masa) - January 16, 2018 - 12:00am

SUWERTE sa negosyo ang 2018 o year of the Earth Dog ayon sa mga feng shui expert. Kaya’t kung may balak kayo na magtayo ng negosyo, ito raw ang tamang pagkakataon para rito.

Pero papaano kung magsisimula ka pa lang negosyo, bigla kang naloko?

Tulad na lamang ng nangyari sa mag-asawang senior citizen na dumulog sa aming tanggapan. Dahil wala nang pinagkakaabalahan sa buhay, naisipan ng dalawa na magtayo ng paupahan.

Tiyempong nakilala nila isang arkitektong si Louwie Galang na nirekomenda ng isang kakilala.

Dahil sa mabubulaklak na salita, agad naengganyo ang mag-asawa. Matapos magkasundo sa disenyo at presyo ay sinimulan ang konstruksyon ng kani-kanilang paupahan.

Problema, ang putok sa buhong arkitekto, galawang dorobo! Sa umpisa lang magaling pero nang matanggap ang perang ibinayad sa kanya, agad umeskapo at ‘di tinapos ang trabaho.

Ang maganda sanang paupahan na mapagkukunan ng pera, iniwan lang na nakatiwangwang. Binaboy na, pinabayaan pa!

Dahil sa nangyari, agad na nagreklamo ang dalawang matanda. Sa kanilang pag-iimbestiga, napag-alaman nilang hindi pala tunay na arkitekto ang loko!

Wala na nga sa listahan ng mga lisensiyadong arkitekto, nagtayo pa ng sariling negosyo. Malala rito, ang LM Galang Construction na pag-aari ng pekendos na arkitekto, hindi rin re­histrado!  Anak ka ng semento, nalintikan na!

Agad naming inilapit kay Chief Supt. Orlando Yebra ng Pasig PNP ang kasong ito. Pangako ni Yebra, agad nilang tutugunan ang reklamo ng matandang mag-asawa. Kami naman sa Kilos Pronto, tututukan namin ang kasong ito.

Mga boss, paalala ko lang sa inyo. Kung may balak kayo na magpatayo ng paupahan o bahay, siguruhing lisensiyado ang kukunin niyong arkitekto.

Dahil baka ang dream house na pinangarap niyo, babuyin at gawing playground ng mga dorobo’t pekendos na arkitekto! 

Para naman sa mga sira-ulong patuloy sa ganitong klase ng estilo, magbago na kayo! Dahil baka bukas makalawa, si Bitag mismo ang kumatok sa mga pintuan n’yo. Tingnan ko lang kung ‘di kayo magkandaihi sa inyong mga lawlaw na karsunsilyo.

Philstar
Facebook
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with