Malaya ako

Lilipad na ako patungo sa langit,

Na ang puso’t diwa’y kalong ng hinagpis;

Sa bunton ng ulap ako sisilip

Upang ang kalawakan makitang malapit;

Kay Haring Hercules, matapang malakas

Ako’y manghihiram ng giting at lakas;

Kanyang katangia’y aking ihahampas

Sa mga kriminal na sa baya’y limbas.

Sa diyosang si Venus aking ilalapit,

Ang mga problema nitong bansang gipit;

Na sana ang ganda sa buong daigdig

Ay kanyang ikalat -- tanda ng pag-ibig;

At saka kay Diana -- symbol ng dalaga

At bilis na tulad ng sa isang usa,

Aking hihilingin na damayan niya

Ang ating Presidente sa pagpapasya!