ISANG psychologist ang nagsasagawa ng research tungkol sa mga matatandang nasa edad 80 years old pataas. Nais niyang sukatin at pag-aralan ang “thinking ability” ng mga taong kandidato na sa pagiging ulyanin. Sa isang lalaking 91 anyos unang sinubukan ng psychologist ang kanyang “easy” at “difficult” questions. Ang matanda ay dating propesor.
“What two days of the week begin with T ?”
Napangiti ang matanda. “Bakit naman pang-Kinder ang tanong mo?”
Napahalakhak ang psychologist. “Sagutin mo po muna ang first question at saka kita bibigyan ng katanungang pang-PhD.”
“Kung gusto mo ang witty answer, Today and Tomorrow. Pero it should be Tuesday and Thursday.”
“Ito na ho ‘yung hinahanap mong difficult question: How many seconds are there in a year?”
Inaasahan ng psychologist ay gagamit ang matanda ng mathematical calculation gamit ang seconds, minute, hour, kaya magtatagal bago sumagot. Pero mabilis pa sa kidlat ang pagsagot.”
“Twelve”, sagot ng matanda
“Paano ho naging twelve?”
“January 2nd, February 2nd, March 2nd, hanggang …December 2nd”
* * *
“Your wit makes others witty.” – Catherine the Great