Miyembro ng BJMP, itinumba
MANILA, Philippines — Namatay habang nilalapatan ng lunas ang isang 43-anyos na jailer nang barilin ng hindi pa kilalang gunman sa Sto Tomas City, Batangas, Sabado ng gabi.
Kinilala ang biktimang si Leonardo Caronan, residente ng Villa De Pio Subdivision., Barangay San Miguel, Sto Tomas City at nakadestino sa Bureau of Jail Management and Penology (BJMP) ng Cabuyao City Jail sa Laguna.
Sa ulat, bago naganap ang krimen, alas-8:00 ng gabi ay magsasara ng kanyang mini grocery ang biktima kasama ang kanyang misis nang biglang dumating ang isang suspek at pinaputukan ito ng ilang beses.
Nang bumulagta ang biktima ay mabilis na tumakas ang suspek sakay ng motorsiklo patungo sa Maharlika Highway.
Naisugod pa si Coronan sa St. Cabrini Medical Hospital, subalit binawian din ng buhay, alas-8:50 ng gabi. — Ed Amoroso
- Latest