Pangulong Marcos, dadalo sa APEC summit sa US sa 2023
MANILA, Philippines — Kinumpirma ni Philippine ambassador to the US Jose Manuel Romualdez na dadalo si Pangulong Ferdinand Marcos Jr. sa Asia Pacific Economic Cooperation (APEC) leaders meeting sa Estados Unidos sa Nobyembre 2023.
“President Marcos will be coming in November for the APEC meeting in the West Coast. I am confirming that President Marcos will be attending together with all the leaders who have been invited to APEC,” ayon kay Romualdez.
Sinabi pa niya na inaasahang makikipagkita si Marcos sa American business groups para talakayin ang posibleng investments sa bansa.
Maliban dito handa rin umano sa pagkakataong iyon ang Pilipinas na ipakita ang reporma at economic programs sa nasabing pagtitipon para makahikayat pa ng investors.
Inanunsiyo naman ni US Vice President Kamala Harris na ang summit ay gagawin sa linggo ng Nobyembre 12 sa San Francisco California at bilang host country ay makikipag tulungan sila sa APEC economies para lumikha ng bagong sustainability at decarbonization commitments.
- Latest