LTFRB bukas na sa bagong ‘fare matrix’
MANILA, Philippines — Bukas na ang pintuan ng Land Transportation Franchising and Regulatory Board (LTFRB) para tumanggap ng mga request mula sa mga pampasaherong sasakyan na nais makakuha ng bagong fare matrix.
Ang fare matrix ay requirement ng LTFRB na ipapaskil sa kanilang mga sasakyan para makasingil ng bagong pasahe sa mga pampasaherong jeep, taxi, AUVs at bus.
Sa October 3 ay simula na ang pagpapatupad ng fare increase sa mga pampasaherong sasakyan kaya’t umaasa ang LTFRB na makakuha na ang mga ito ng fare matrix mula sa ahensiya.
Una nang inanunsyo ng LTFRB ang pagtaas ng pamasahe sa Traditional Public Utility Jeepney (TPUJ), Modern PUJ (MPUJ), Public Utility Bus (PUB), Transport Network Vehicle Service (TNVS) at Taxi.
Ang mga requirement sa pagkuha ng fare matrix sa LTFRB ay Latest Land Transportation Office (LTO) OR/CR, Franchise Verification, Kopya ng Provisional Authority para sa mga hindi pa nabibigyan ng desisyon ukol sa kanilang Certificate of Public Convenience at Official Receipt of Payment.
- Latest