Dating Pangulong FVR, inilagak na sa Libingan ng mga Bayani
MANILA, Philippines — Inilagak kahapon sa kanyang huling hantu-ngan sa Libingan ng mga Bayani si dating Pangulong Fidel V. Ramos na pumanaw noong Hulyo 31.
Ginawaran si Ramos, ika-12 Pangulo ng bansa ng state funeral with full military honors.
Mula sa Heritage Park, Taguig City dumating ang urn na naglalaman ng abo ng dating presidente sa Presidential Section Gravesite lampas alas-11:00 ng umaga. Ang military chaplain naman ang nagsagawa ng final benediction.
Iniabot ni newly-installed Armed Forces of the Philippines chief Lieutenant General Bartolome Vicente Bacarro ang funeral flag sa asawa ni Ramos, si dating First Lady Amelita Ramos.
Kabilang sa mga du-malo sa libing ni Ramos ay si Pangulong Ferdinand “Bongbong” Marcos Jr.
Ayon sa pamilya ng dating Pangulo, si Ramos mismo ay nagsagawa ng ocular inspection sa Libi-ngan ng mga Bayani upang matukoy ang pwesto kung saan siya ililibing.
Kabilang sa mga awi-ting pinatugtog matapos ang pagtupi ng funeral flag ang “Alerta Filipinas,” “How Great Thou Art,” at “The Lord’s Prayer,” na bahagi ng hiling ni Ramos.
Isinilang noong Marso 18, 1928, sa Lingayen, Pangasinan, na anak ng diplomat at mambabatas na si Narciso Ramos at ng educator na si Angela Valdez, nagtapos siya ng military engineering degree sa US Military Academy sa West Point. - Mer Layson, Joy Cantos
- Latest