MANILA, Philippines — Sinabi ni Senator-elect Robin Padilla, na upang makahikayat ng maraming foreign investments ay panahon na para amyendahan ang economic provisions ng 1987 Constitutions.
Sa Facebook live, sinabi ni Padilla na kung pagagaanin ang ilang economic restriction sa Pilipinas ay makakatulong ito para makahabol ang ekonomiya ng Pilipinas sa mga karatig na bansa sa Asya.
Paliwanag pa niya na tanging mga oligarch lang ang nakikinabang sa “60-40” ownership rule na nakapaloob sa Saligang Batas.
Ang pahayag ay ginawa ni Padilla kasunod ng pagkuwestiyon nina dating presidential spokesperson Edwin Lacierda at outgoing Senator Franklin Drilon sa kanyang panukala na baguhin ang Konstitusyon.