Sandro Marcos, nangunguna pa rin sa Ilocos Norte
MANILA, Philippines — Napanatili ni Sandro Marcos ang kanyang pangunguna sa survey sa pagkakongreso, na pinaboran ng karamihan ng mga respondent sa survey ng RP-Mission and Development Foundation (RPMD).
Batay sa pinakahuling survey, si Ferdinand Alexander “Sandro” Marcos, ang anak ni presidential frontliner Ferdinand “Bongbong” Marcos Jr. na kandidato para sa Ilocos Norte-1st district congressional seat ay kasalukuyang nangunguna sa karera na may 65% voter preference. Pumangalawa lamang si Ria Fariñas na nakapagtala ng 32% voter preference habang tatlong porsyento ang nananatiling undecided.
Magugunita na nanguna rin si Sandro sa survey ng RPMD na isinagawa noong Abril 17-21, 2022, na may 62% na voter preference at inaasahang sasabak laban kay Ria Christina Fariñas ang kasalukuyang kinatawan ng unang distrito ng lalawigan.
Isinagawa ang survey nang malaya at walang komisyon mula Abril 28 hanggang Mayo 2, 2022 na mayroong 1,000 rehistradong botante. Ito ay may margin of error na 3% (+/) at gumamit ng random sampling.
- Latest
