MANILA, Philippines — Malabo na umanong maulit ang surge ng Omicron variant sa Metro Manila dahil sa dami na ng mga pagbabakuna na naisasagawa sa rehiyon.
Ayon kay Dr. Guido David ng OCTA team na unti-unti nang bumababa ang trend ng kaso ng COVID-19 sa Metro Manila.
“[The] trend is really downward, we can be assured… We’re now down to high risk and I think within a few days by next week we’ll be down to moderate risk. In fact, I checked some of the local government data, we already have five local government units (LGUs) under moderate risk and that’s a good sign,” sabi ni David.
Pasok aniya sa moderate risk classification ang Maynila, Malabon, Caloocan, Valenzuela, at Navotas.
Bukod sa Metro Manila ay patuloy na rin ang pagbaba ng kaso ng COVID-19 sa karatig lalawigan tulad ng Rizal, Cavite at Bulacan.
Sinabi naman ng molecular biologist na si Fr. Nicanor Austriaco at OCTA fellow na posible namang ang Omicron surge ay maganap sa mga probinsiya.