MANILA, Philippines — Ikinadismaya ng isang solon ang vaccination program ng pamahalaan dahil sa mahigit 1M na mga senior citizens ang wala pang bakuna kontra COVID-19 habang nasa 5.2-M pa lang ang fully vaccinated.
Ayon kay Senior Citizens Partylist Rep. Rodolfo “Ompong “ Ordanes, nasa 4.7 M namang mga senior citizens ang wala pang 2nd dose ng bakuna.
Kaya’t umapela si Ordanes kay Vaccine Czar Carlito Galvez na pabilisin ang pagbabakuna sa mga senior citizens dahilan sa kailangan ng mga ito ng proteksyon laban sa virus.
Sinabi ni Ordanes na sa ginanap na tatlong araw na national vaccination day ng gobyerno mula Nobyembre 29 hanggang Disyembre 1 na karamihan sa mga binakunahan sa COVID-19 ay hindi naman mga senior citizens na kung saan ang karamihan na hindi pa nababakunahan ay nasa labas ng Metro Manila.