33.3 milyong Pinoy fully vaccinated na
MANILA, Philippines — Umabot na sa 33.3 milyong indibidwal o 39% ng eligible population sa bansa ang fully vaccinated na laban sa COVID-19.
Ito ang sinabi ni Department of Health (DOH) Undersecretary Ma. Rosario Vergeire na ang 39% ay base sa populasyong pinapayagang magpabakuna na katumbas ng 84 milyon.
Nilinaw naman na malayo pa ito sa target ng gobyerno na mabakunahan ang 80% ng 109 milyong populasyon bago sumapit ang Mayo 9, 2022.
Paiigtingin naman ng DOH ang kanilang pagtuturok sa pamamagitan ng tatlong araw na ‘national vaccination campaign’ at tinawag na “Bayanihan, Bakunahan.”
Prayoridad aniya rito ang mga hindi pa bakunadong indibidwal ngunit hindi pa napagdedesisyunan kung isasama rito ang booster shots.Isasagawa ang inoculation drive mula Nobyembre 29 hanggang Disyembre 1.
- Latest
