MANILA, Philippines — Pinaplano ng Mababang Kapulungan ng Kongreso na upang matiyak ang kaligtasan sa COVID-19 ay pawang mga fully vaccinated lamang ang papayagang makadalo sa huling State of the Nation Address (SONA) ni Pangulong Rodrigo Duterte sa susunod na buwan.
Ito ang inihayag ni House Deputy Majority Leader at 1st District Leyte Rep. Martin Romualdez kaugnay ng isasagawang paghahanda ng Kamara sa makasaysayang SONA ng punong ehekutibo.
Sa Hulyo 26 itinakda ang gaganaping huling SONA ni Pangulong Duterte sa Batasan Complex, Quezon City.
Ayon kay Romuldez, dahilan sa may pandemya pa sa COVID-19 ang idaraos na SONA ay kahalintulad rin noong nakalipas na taon na ‘blended’ na kumbinasyon ng pisikal na pagdalo habang ang iba naman ay magpapartisipa via Zoom.
Sa pamamagitan nito ay tataas ang ‘vaccine hesitancy’ at darami ang magpapaturok laban sa COVID-19 kung saan ay posible ring itaas ang bilang ng mga dadalo sa huling talumpati sa bayan ni Pangulong Duterte.
Pananatilihin pa rin ang pagsusuot ng face mask at social distancing bilang bahagi ng safety and health protocols.