Mga Pinoy dumanas ng mental health problem…
MANILA, Philippines — Sa panahon ng pandemic sa bansa ay tumaas ang bilang ng mga nagpapakamatay batay sa datos na inilabas ng Philippine Statistics Authority (PSA).
Nabatid na tumaas sa 3,529 noong 2020 o 26 percent na mataas sa 2,808 suicide deaths noong 2019.
Ayon kay Psychologist Randy Dellosa, maraming Pinoy ang nagkakasakit at sinusubukang ikonsidera ang ‘new normal’ kahit na nasa realidad na nasa abnornal na kondisyon ang bansa ngayon.
Ayon sa mga eksperto na ang pagkabalisa dahil sa pandemic ang nakaapekto sa nakararaming Pinoy na dumaranas ng mental health problem na umaabot sa 3.6 milyon.
Nakita ito sa pagtaas ng bilang ng tawag sa helplines, fully-booked consultation schedules, at pagdami ng mga aktibidad na makapagpapagaan sa sarili at magpapatanggal stress.
Ayon sa National Center for Mental Health (NCMH), may 32 hanggang 37 tawag ang kanilang natanggap o may monthly average calls na 907.-Angie Dela Cruz-