13 milyong dose ng Moderna isusuplay sa Pinas

MANILA, Philippines — Nakatakdang ideliber sa bansa sa kalagitnaan ng taon ang nasa 13 milyong doses ng Moderna na binili ng gobyerno.

Kinumpirma mismo ng Moderna Inc. kasabay ng pagsasabi na agad na aasikasuhin ang mga kinakailangang panuntunan tulad ng pagkuha muna ng emergency use authorization (EUA) buhat sa Food and Drugs Administration (FDA).

Bukod sa 13 milyong dose sa pagitan ng pamahalaan, inaasahan din na magkakaroon ng hiwalay na kasunduan ang Moderna para suplayan ng hiwalay na 7 milyong doses ang pribadong sektor.

Kasalukuyang ang Pfizer-BioNTech, AstraZeneca at Sinovac vaccines pa lamang ang nabibigyan ng FDA ng EUA para magamit ang kanilang mga bakuna sa bansa kahit nasa development stage pa rin ang mga ito.