4 patay, 3 sugatan…
MANILA, Philippines — Itinuro ni Philippine Drug Enforcement Agency (PDEA) Director Wilkins Villanueva na ang mga drug syndicate ang kumilos kaya naganap ang “misencounter” na ikinasawi ng dalawang pulis, isang agent at isang civilian informant ng PDEA.
Ayon kay Villanueva, titignan nila ang anggulo ng pananabotahe, napaglaruan ng sindikato o kapabayaan kaya naganap ang barilan.
Bubuo naman ng technical working group ang Philippine National Police (PNP) na mag-iimbestiga sa “essential issues” na iginiit ni Justice Secretary Menardo Guevarra tungkol sa anti-drug operations.
Ang pagbuo ng technical working group makaraang sabihin ni Guevarra sa United Nations Human Rights Council (UNHRC) na bigo ang government panel na sumunod sa rules of engagement at protocol tuwing may anti-drug operations.
Magugunita na kamakalawa ng hapon ay nauwi sa misencounter ang isinagawang buy-bust operation ng mga tauhan ng District Special Operations Group (DSOU) at PDEA agents sa parking area ng isang fastfood chain sa Brgy. Batasan Hills, Quezon City.
Dito ay nasawi ang dalawang pulis na sina PCpl Lauro de Guzman at PCpl Galvin Eric Garado, habang isa sa PDEA at kanilang impormante.
Isa rin naman ang nasugatan sa panig ng QCPD na nakilalang si PLt Ronnie Ereno at dalawa sa panig ng PDEA, na di pa rin batid ang pagkakakilanlan.Isa rin naman ang nasugatan sa panig ng QCPD na nakilalang si PLt Ronnie Ereno at dalawa sa panig ng PDEA, na di pa rin batid ang pagkakakilanlan.
Bago ito ay magsasagawa umano ng buy-bust operation ang mga tauhan ng DSOU, sa pangunguna ni PMAJ Sandie Caparroso at 16 pa niyang mga tauhan sa lugar, ngunit nagkataong may operasyon din doon ang may 20 tauhan ng PDEA kaya’t nauwi sa misencounter. - Mer Layson