MANILA, Philippines — Pinaalalahanan ni President Rodrigo Duterte ang publiko na isuot ng tama ang face mask.
Ayon sa Pangulo, dapat tama ang pagsusuot ng face mask at napapansin niya na may mga nakalabas ang ilong.
“Wear it properly. Kasi ‘yung iba nagma-mask ta’s nakikita ko ‘yung ilong ninyo sumasabit doon just on the edge of the mask, the upper portion. It does not really give a relief at all kung ganun ka-careless ang tao na gumagamit,” saad ng Pangulo.
Umaasa rin ang Pangulo na susunod ang lahat sa sinasabi ng mga medical persons upang mailigtas ang lahat laban sa COVID-19.
Sinabi pa ng Pangulo na bagaman ay hindi 100 porsiyenyo ang katiyakan na hindi na magkakaroon ng COVID-19 ang nagsususuot ng face masks, pero nagkakaroon ito ng 80% na proteksiyon kung sinusuot ng tama.
“Ang problema nito is how you maybe obey the protocols of maghugas then mask. Ang mask makakatulong ‘yan. It does not provide actually 100 percent. Hindi kami nagsasabi nag-mask, hindi ka tatamaan. Pero you’ll reduce it by about --- ako tingin ko, in my own estimate, layman lang ako sa mga bagay na ito kasi hindi ako doktor, I’m not a medical person --- it will give you something like 80 percent ano basta worn properly,” ani Duterte.
Related video: