MANILA, Philippines — Inihayag kahapon ng Philippine Institute of Volcanology and Seismology (Phivolcs) na naitala ang limang volcanic earthquakes sa Bulkang Taal sa nakalipas na 24 oras.
Nagluwa rin ang bulkan ng abo sa bunganga ng bulkan at naglalabas din ng gas sa may Daang Kastila Trail, pero mahina lamang.
Nananatili namang nasa alert level 1 ang buong Taal volcano at dahil sa abnormal na kondisyon ng bulkan ay pinapayuhan ng Phivolcs ang publiko na iwasan ang pagpasok sa Taal volcano island dahil sa banta ng posibleng pagsabog, volcanic earthquakes, minor ashfall, lethal expulsions ng volcanic gas.