20 pang pulis patay sa COVID-19
MANILA, Philippines — Pumalo na sa 666 ang nasawing pulis sa coronavirus disease 2019 (COVID-19) matapos na 20 pang personnel ang nadagdag sa talaan.
Sinabi ni P/Col. Ysmael Yu, spokesman ng PNP na base ito sa rekord ng PNP Health Service na ipinalabas bandang alas-9 ng gabi nitong Biyernes.
Sinabi ni Yu na ang nasabing bilang ay naitala mula Marso ng taong ito hanggang dakong alas-6 ng gabi kamakalawa.
Bunsod nito, pumalo na sa 6,636 ang kaso ng COVID-19 sa PNP kabilang ang nasa 50 na bagong nadagdag sa talaan samantalang nasa 590 PNP personnel ang nakarekober matapos tamaan ng virus. Karamihan sa mga pulis na nag-positibo sa COVID-19 ay mga asymptomatic o mga walang nararamdaman.
Inihayag ni Yu na sa mga bagong COVID cases sa PNP, 50 dito ay mula sa Police Regional Office (PRO)-Cordillera; 7 sa National Capital Region Police Office (NCRPO); tig–5 sa PRO 1 at PRO 2; tig-4 sa National Operations Support Unit (NOSU) at PRO 3; tig-3 naman sa PRO 7, PRO9 at tig-isa sa National Headquarters at PRO 10.
- Latest
