Tiyo sinermunan ang 15-anyos na pamangkin, pinatay
MANILA, Philippines — Namatay noon din ang isang 41-anyos na lalaki nang siya ay pagtatagain sa leeg ng kanyang 15-anyos na pamangkin na nagalit sa masasamang salita na binitawan ng una naganap sa Brgy. Magapo sa Tabaco City, Albay kamakalawa ng gabi.
Ang nasawi ay kinilalang si Randy Biong Urbistondo, magsasaka, ng Brgy. Bonot. Sumuko naman sa mga pulis at hawak na ng City Social Welfare ang suspek na kinilala lamang sa pangalang “Tope”, grade 8 at residente ng nasabing barangay.
Sa ulat, bago nangyari ang krimen, alas-9:50 ng gabi ay dumalaw sa mga kapatid at mga kaanak sa naturang barangay ang biktima at nagkaroon nang-inuman.
Nang malasing ay nahiga sa kawayang upuan ang biktima at nakita ang pamangkin ay sinermunan umano nito na hindi nagustuhan ng huli kaya’t kumuha ng itak at pinagtataga sa leeg na naging dahilan ng agarang kamatayan nito.
- Latest