Mas istriktong quarantine sa Metro Manila, nagbabadya
MANILA, Philippines — Kapag ang mga ospital sa Metro Manila ay nakapagtala ng mas mataas na kaso ng COVID-19 ay maaaring bumalik sa “stricter” community quarantine ang Kamaynilaan.
Ito ang inihayag ni Presidential spokesperson Harry Roque, dahil ang National Capital Region (NCR) ay kasalukuyan ngayong nasa General Community Quarantine simula Hunyo, kung saan isinama ang pagpapaluwag sa restriksyon sa public transport at businesses upang makasulong ang ekonomiya ng bansa.
Nauna rito, ang Metro Manila ay isinailalim sa enhanced community quarantine—ang most restrictive form ng lockdown ng mahigit dalawang buwan.
Sinabi naman ng Department of Health (DOH) na pupulungin nito ang mga kinatawan ng mga ospital sa darating na Lunes upang i-check ang situwasyon sa kani-kanilang pasilidad.
Nauna naman nang sinabi ni DOH Undersecretary Maria Rosario Vergeire na hindi pa naman “overwhelmed” ang mga ospital sa Maynila sa COVID-19 cases pero umabot na sa “moderate risk level” ang critical care resources.
- Latest