MANILA, Philippines — Pitong katao kabilang ang 3 Chinese ang naaresto ng mga otoridad at nakumpiska ang nasa P8 milyong halaga ng pekeng sigarilyo, kamakalawa ng hapon sa Brgy. Parada, Sta. Maria, Bulacan.
Kinilala ang mga naarestong suspek na sina Jianju Chen; Jiancai Shi; Wuzhi Hi, pawang mga Chinese nationals; Cris Rosales; Elmer And; Niño Castillo at Julio Domalaon.
Bitbit ang isang Letter of Authority, ininspeksyon ng Customs team kasama ang Bulacan ang Environmental Solutions Group Warehouse na pag-aari ng isang Estella Nepomuceno ng Brgy. San Gabriel, Sta. Maria, Bulacan.
Doon na nadiskubre ng mga otoridad ang kahong kahong sigarilyo ng Two Moon at Mighty cigarettes habang ikinakarga sa isang wing van na pawang mga walang dokumento.
Nahaharap ngayon sa patung-patong na kaso ang mga naarestong suspek kabilang na ang Operating Business without Permit at paglabag sa Municipal Ordinance No. 404, Sec 23 at Violation of RA 11332.