Pag-utang sa IMF at World Bank sagot sa COVID crisis
MANILA, Philippines — Para masolusyunan ang pangtustos sa lahat ng mga Pinoy na apektado ng pandemic na COVID-19 ay iminumungkahi ni ACT-CIS partylist Rep. Eric Go Yap na pwedeng umutang ang pamahalaan sa International Monetary Fund at sa World Bank.
Ayon kay Yap, chairman ng appropriation committee sa Kamara, na siguradong papautangin ang Pilipinas dahil maganda ang credit rating ng bansa sa ilalim ng administrasyon ni Pangulong Rodrigo Duterte.
Sinabi pa ni Yap, na pwedeng makautang hanggang P1 trillion sa IMF o sa World Bank para masigurong mabibigyan ng ayuda ang lahat ng Filipino na apektado ng pansamantalang pagtigil ng ekonomiya dahil sa ipinapatupad na Luzon-wide Enhanced Community Quarantine (ECQ).
“Kung ako ang masusunod as chairman ng appropriation committe, gusto ko lahat ng Filipino mabigyan ng cash assistance pero siyempre depende sa executive branch ‘yan,” ayon kay Yap.
Layunin ni Yap na mabigyan lahat ng Filipino lalo na ang mga frontliners, maging mga pulis, sundalo, OFW, seamen, barangay officials at iba pa na hindi makapagtrabaho dahil sa lockdown.
Pero iminungkahi rin niya na dapat ay exempted sa tulong ang mga milyonaryo at pamilya nito, mga senador at congressmen, cabinet officials, maging mga governor at mayor.
- Latest
